Kitob asrlarbni asrlaga zamonlarni zamonlarga, rishtalarni rishtalarga  bog‘lobchi vositadir. Kitob — maslahatchi, sadoqatli hamroh , eng yaqin do‘st va bebaho boylik hisoblanadi. Kitob–fikrlash, tafakkur manbai, xazinalar kaliti bo‘lgani uchun xalqimiz uni mo‘tabar  va muqaddas deb hisoblagan. Shuning uchun, kitobga bo‘lgan muhabbat, uni qadrlash  qon-qonimizga singib  ketgan. Kitob mutolaasiga havas, qiziqish oiladan boshlanadi.

Ota-bobolarimiz xonadonlarida Mashrab, Navoiy, Bedil va boshqa shoirlarimizning  asarlarini maroq bilan o‘qishgan. Farzandlari kitobxonlik davralarida ishtirok etishgan. Natijada ularda kitob  o‘qishga  havas uyg‘ongan. Buyuk shoir va mutafakkir Alisher Navoiy hazratlari yozganidek “Kitob–beminnat ustoz, bilim va ma’naviy yuksalishga erishishning eng asosiy manbai” dir. Kitob barcha  bunyodkorlik yaratuvchanlik va aql idrokning asosi bo‘lsa, hayotni o‘rgatuvchi murabbiy hamdir. Farzandlarimiz qalbida yuksak ma’naviyatni shakllantirishda kitob va kitobxonlikning ahamiyati  beqiyosdir. 2019-yil 19-mart  kuni Prezidentimiz tomonidan yoshlar ma’naviyatini  yuksaltirish  va ularning bo‘sh  vaqtini  mazmunli tashkil  qilish bo‘yicha 5 ta muhim tashabbus  ilgari surildi. Shundan,  4-tashabbus   Yoshlar ma’naviyatini yuksaltirish va ular o‘rtasida  kitobxonlikni keng targ‘ib qilishdir. Kitobxonlikni targ‘ib  qilish bo‘yicha Angor tuman 1-son kasb– hunar maktabimizda ham tizimli ishlar olib borilmoqda. Jumladan, 2022-2023- o‘quv yili boshida kasb-hunar maktabimiz direktori J.Bahramov  Axborot –kutubxonamizga 360 dona  yangi badiiy adabiyot sovg‘a qildi. Bundan o‘qituvchi va o‘quvchilarimiz mamnun.

Kasb–hunar maktabimiz-da kitobxonlikni targ‘ib qilish bo‘yicha  turli  mavzularda tadbirlar o‘tkazilmoqda. Har haftada  oqituvchi va xodimlar o‘rtasida  o‘qigan kitoblari bo‘yicha  davra suhbatlari, bahs muzokaralar  o‘tkazilayapti.

Jumladan, 9-aprelga Amir Temur tavallud kuni munosabati bilan  kasb-hunar maktabi direktori J.Bahramov tomonidan Hamdam Sodiqovning “Amir Temur saltanatida  xavfsizlik xizmati” kitobining mazmun–mohiyati o‘qituvchi va o‘quvchilarga tushuntirildi. Bundan tashqari,  Amir Temurning davlat xavfsizligini ta’minlashdagi  odilona siyosati, jangovor  faoliyati, buyuk davlatni barpo etishda unga yordam bergan  xavfsizlik xizmatiga oid savollar bo‘yicha o‘qituvchilar o‘rtasida “Zakovat” intellektual o‘yini tashkil etildi. Bunday tadbirlarni o‘tkazishdan maqsadimiz o‘quvchilarimizning bilim manbai bo‘lgan kitobni sevishga, kitobga qiziqishini oshirish hamda ularning ma’naviy dunyosini  boyitishdan iborat.

Respublikamizning taraqqiy etishi rivojlanishi, Yangi   O‘zbekistonning gullab yashnashi bugungi yoshlarimizga bog‘liq.  Ma’rifatli,  ya’ni ma’naviyati yuksak va bilimi  teran kadrlar, yoshlar yurtimizni farovon qiladi. Chinakam bilimni esa  kitob o‘qimasdan turib, egallash also mumkin emas. Televizor, radio, kompyuter,  telefon hech qachon kitobning o‘rnini bosa olmaydi. 

Shunday  ekan hammani kitob o‘qishga chorlaymiz va “Har doim bo‘lsin kitob” deymiz.

Muhabbat  Jumayeva,

Angor tuman 1-sonli kasb–hunar maktabining Axborot kutubxonasi yetakchi mutaxassisi